సీఎం విజయ్‌ను కలిసిన విజయ్ దేవరకొండ, రష్మిక మందన్న

టాలీవుడ్‌ నటుడు విజయ్ దేవరకొండ, నటి రష్మిక మందన్న చెన్నైలో తమిళనాడు ముఖ్యమంత్రి, ప్రముఖ నటుడు తలపతి విజయ్‌ను కలిశారు. విజయ్ దేవరకొండ నటిస్తున్న రణబాలి సినిమా ప్రమోషన్ల సందర్భంగా ఈ భేటీ జరిగినట్లు సమాచారం. సమావేశం అనంతరం విజయ్ దేవరకొండ సోషల్ మీడియా వేదికగా తన అనుభవాన్ని పంచుకున్నారు. తలపతి విజయ్‌తో భేటీ కావడం ఎంతో సంతోషాన్నిచ్చిందని, ఆయన పట్ల తనకున్న అభిమానం, గౌరవాన్ని వ్యక్తం చేశారు.

ఎంతో బిజీగా గడిపినప్పటికీ తలపతి విజయ్ తమను ఎంతో ఆప్యాయంగా ఆహ్వానించారని విజయ్ దేవరకొండ తెలిపారు. జీవితానికి సంబంధించిన విషయాలు, పని, ప్రపంచం గురించి ఆయన ఎన్నో వ్యక్తిగత అనుభవాలను పంచుకున్నారని పేర్కొన్నారు. “ఒక్క సమావేశంతోనే ఆయన నాకు అభిమాన పాత్రగా మారిపోయారు” అంటూ తన ఆనందాన్ని వ్యక్తం చేశారు. చివరిగా మరోసారి కలుసుకునే వరకు ఆయనపై తన ప్రేమ, గౌరవం ఇలాగే ఉంటాయని పేర్కొన్నారు. ఈ పోస్ట్‌ ప్రస్తుతం అభిమానుల్లో ఆసక్తిని రేకెత్తిస్తోంది.