ఎనిమిదేళ్ల ప్రేమకథపై తొలిసారి ఓపెన్ అయిన స్టార్ కపుల్...

స్టార్ కపుల్ విజయ్ దేవరకొండ, రష్మిక మందన్న తమ ప్రేమ బంధాన్ని దాదాపు ఎనిమిదేళ్ల పాటు ఎందుకు గోప్యంగా ఉంచారో తొలిసారి వెల్లడించారు. ఓ ఇంటర్వ్యూలో విజయ్ మాట్లాడుతూ.. తామిద్దరూ మొదట కోస్టార్లుగా కలిశామని, ఆ తర్వాత స్నేహితులుగా మారి ప్రేమలో పడ్డామని తెలిపారు. తమ వ్యక్తిగత జీవితానికి సంబంధించిన విషయాలను అందరితో పంచుకోవాల్సిన అవసరం లేదని భావించామని చెప్పారు. రష్మిక కూడా ఇదే అభిప్రాయాన్ని వ్యక్తం చేస్తూ.. తమ బంధం ఇతరుల వినోదం కోసం కాదని, వ్యక్తిగత జీవితాన్ని కాపాడుకోవాలనే ఉద్దేశంతోనే దాని గురించి బయట ఎక్కువగా మాట్లాడలేదని తెలిపారు.

ఇదే ఇంటర్వ్యూలో విజయ్.. రష్మిక ప్రేమను వ్యక్తపరచడంలో తనకంటే ఎక్కువగా మెచ్యూర్ అని చెప్పారు. ఆమె రోజుకు కనీసం 10 నుంచి 15 సార్లు ‘ఐ లవ్ యు’ చెబుతుందని, ప్రేమను ఎప్పటికప్పుడు వ్యక్తపరచడం ముఖ్యమని భావిస్తుందని తెలిపారు. తన మనసులో ప్రేమ ఉన్నప్పటికీ దాన్ని పదే పదే చెప్పాల్సిన అవసరం లేదని తాను అనుకుంటానని, అయితే భావాలను బయటకు వ్యక్తపరచడం అవసరమని రష్మిక చెబుతుందని విజయ్ వెల్లడించారు. కాగా, వీరిద్దరూ జంటగా నటించిన ‘రణబాలి’ అక్టోబర్ 16న ప్రేక్షకుల ముందుకు రానుంది. రష్మిక ప్రధాన పాత్రలో నటించిన యాక్షన్ చిత్రం ‘మైసా’ నవంబర్ 27న విడుదల కానుంది.