అమీర్ ఖాన్ భార్య గౌరీ ఎవరు

బెంగళూరులో జన్మించిన గౌరీ స్ప్రాట్ అందాల, ఫ్యాషన్ రంగాల్లో తనకంటూ ప్రత్యేక గుర్తింపు తెచ్చుకున్నారు. తమిళ్–బ్రిటిష్, పంజాబీ–ఐరిష్ కుటుంబ నేపథ్యానికి చెందిన ఆమె లండన్‌లో ఫ్యాషన్ రూపకల్పన (స్టైలింగ్), ఛాయాగ్రహణం (ఫోటోగ్రఫీ)లో విద్యాభ్యాసం పూర్తి చేశారు. అనంతరం అందాల, సినీ రంగాల్లో విజయవంతమైన ప్రస్థానాన్ని కొనసాగించారు. ప్రస్తుతం ప్రముఖ సలోన్ సంస్థ బీబ్లంట్ లో సహ యజమాని (కో-ఓనర్), డైరెక్టర్‌గా బాధ్యతలు నిర్వర్తిస్తూనే, అమీర్ ఖాన్ ప్రొడక్షన్స్‌కు చెందిన పలు సృజనాత్మక ప్రాజెక్టుల్లోనూ భాగస్వామ్యమవుతున్నారు. ఆమె వ్యక్తిగత ఆస్తుల విలువ సుమారు రూ.24 కోట్ల నుంచి రూ.40 కోట్ల మధ్య ఉంటుందని పలు నివేదికలు వెల్లడిస్తున్నాయి.

ఇటీవల ముంబైలోని అమీర్ ఖాన్ నివాసంలో అత్యంత నిరాడంబరంగా జరిగిన వేడుకలో గౌరీ స్ప్రాట్, బాలీవుడ్ స్టార్ అమీర్ ఖాన్ వివాహ బంధంతో ఒక్కటయ్యారు. కుటుంబ సభ్యులు, అత్యంత సన్నిహితుల సమక్షంలో జరిగిన ఈ వివాహం సినీ వర్గాల్లో చర్చనీయాంశంగా మారింది. వీరిద్దరూ దాదాపు 25 సంవత్సరాల క్రితం బెంగళూరులో తొలిసారి కలుసుకోగా, అనంతరం ఒక ఉమ్మడి స్నేహితుడి ద్వారా మళ్లీ పరిచయం పెరిగి, ఆ స్నేహం చివరకు వివాహ బంధానికి దారితీసిందని సమాచారం.