బాలయ్య, కొరటాలశివ కాంబో కన్‌ఫర్మ్.. పోస్టర్‌తోనే హైప్ పీక్స్ !

నందమూరి బాలకృష్ణ తన తదుపరి భారీ చిత్రాన్ని అధికారికంగా ప్రకటించారు. ప్రస్తుతం గోపీచంద్ మలినేని దర్శకత్వంలో తెరకెక్కుతున్న చిత్రంలో నటిస్తున్న బాలకృష్ణ, ఇప్పుడు దర్శకుడు కొరటాల శివతో కలిసి కొత్త ప్రాజెక్ట్‌కు సిద్ధమయ్యారు. ఈ భారీ చిత్రానికి తాత్కాలికంగా “ఎన్‌బీకే 112” అనే పేరు వినిపిస్తోంది.

“శక్తికి లక్ష్యం కలిస్తే... మాస్ ఒక సంచలనంగా మారుతుంది” అనే భావాన్ని తెలియజేసే ప్రకటన పోస్టర్ ఇప్పటికే అభిమానుల్లో భారీ ఆసక్తిని పెంచింది. బాలకృష్ణ ఇమేజ్‌కు తగ్గట్టుగా కొరటాల శివ శక్తివంతమైన కథను సిద్ధం చేసినట్లు సమాచారం. ఈ కథ, పాత్ర బాలకృష్ణను ఎంతో ఆకట్టుకున్నాయని తెలుస్తోంది. ఈ ఏడాది ద్వితీయార్థంలో చిత్రీకరణ ప్రారంభం అయ్యే అవకాశం ఉంది.