

తెలంగాణ కాంగ్రెస్ పార్టీ వ్యవహారాలపై చర్చించేందుకు ఏఐసీసీ రాష్ట్ర ఇన్చార్జ్ సందీప్ హైదరాబాద్కు రానున్నారు. ఉదయం 11 గంటలకు గాంధీభవన్లో పార్టీ ముఖ్య నేతలతో వరుస సమావేశాలు నిర్వహించనున్నారు. తొలుత పొలిటికల్ అఫైర్స్ కమిటీ, ఆ తర్వాత అడ్వైజరీ కమిటీ సమావేశాలు జరగనున్నాయి. ఈ సమావేశాలకు ముఖ్యమంత్రి రేవంత్ రెడ్డి కూడా హాజరుకానున్నారు. రాష్ట్రంలో కాంగ్రెస్ పార్టీ పరిస్థితి, ప్రభుత్వ కార్యక్రమాల అమలు, పార్టీ సంస్థాగత వ్యవహారాలు తదితర అంశాలపై నేతలు చర్చించనున్నట్లు సమాచారం.
అనంతరం సాయంత్రం 4 గంటలకు గాంధీభవన్లో పీసీసీ విస్తృతస్థాయి సమావేశం నిర్వహించనున్నారు. ఈ భేటీకి పీసీసీ ముఖ్య నేతలు, పార్టీ ప్రజాప్రతినిధులు, ఇతర కీలక నాయకులు హాజరుకానున్నారు. పార్టీ భవిష్యత్ కార్యాచరణ, సంస్థాగత బలోపేతం, ప్రభుత్వానికి-పార్టీకి మధ్య సమన్వయం వంటి అంశాలపై చర్చించే అవకాశం ఉంది. రాష్ట్ర కాంగ్రెస్లో తాజా రాజకీయ పరిణామాల నేపథ్యంలో ఈ సమావేశాలకు ప్రాధాన్యత ఏర్పడింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!