

ఎంపీపీ ఎన్నికల నేపథ్యంలో కూటమి నేతలు కుట్రలకు పాల్పడుతున్నారని వైసీపీ నేత బైరెడ్డి సిద్ధార్థ రెడ్డి ఆరోపించారు. ఎంపీటీసీ ఎన్నికల్లో తమ అభ్యర్థులను రాజకీయంగా ఎదుర్కోలేక పోలీసులను అడ్డుపెట్టుకుని ఇబ్బందులకు గురిచేశారని విమర్శించారు. తమ అభ్యర్థులు సమర్పించిన నామినేషన్ పత్రాలను చించివేశారని, పోలింగ్ సజావుగా సాగకుండా అడ్డంకులు సృష్టించారని ఆరోపించారు. అయినప్పటికీ టీడీపీ నేతలు ఎన్ని కుట్రలు చేసినా, ఎన్ని బెదిరింపులకు పాల్పడినా ప్రజల తీర్పుతో తమ అభ్యర్థులు విజయం సాధించారని పేర్కొన్నారు.
ఎన్నికల్లో గెలిచినప్పటికీ ప్రస్తుతం ఎంపీపీ ఎన్నికల్లో తమను పాల్గొనకుండా టీడీపీ నేతలు పోలీసుల సహాయంతో అడ్డుకుంటున్నారని బైరెడ్డి సిద్ధార్థ రెడ్డి ఆరోపించారు. ఈ సందర్భంగా చంద్రబాబు నాయుడు, నారా లోకేశ్లను ఉద్దేశించి మాట్లాడుతూ.. తమ ప్రభుత్వం అధికారంలోకి వచ్చాక పరిస్థితులు ఎలా ఉంటాయో ఊహించుకోవాలని వ్యాఖ్యానించారు. రాబోయే రెండేళ్లలో ఎన్ని ఇబ్బందులు పెట్టాలనుకుంటే అన్ని పెట్టుకోవచ్చని, అయితే ప్రజా తీర్పే అంతిమమని ఆయన అన్నారు.



కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!