వెనెజువెలా సీక్రెట్ ఆపరేషన్ వెపన్ పేరు వెల్లడించిన ట్రంప్!

ఇటీవల వెనెజువెలాలో నిర్వహించిన సైనిక ఆపరేషన్‌లో ఉపయోగించిన రహస్య ఆయుధం పేరును అమెరికా అధ్యక్షుడు డొనాల్డ్ ట్రంప్ వెల్లడించారు. వాషింగ్టన్‌లో మాట్లాడిన ఆయన, వెనెజువెలా సైన్యాన్ని నిర్వీర్యం చేయడానికి అమెరికా దళాలు ‘ది డిస్కాంబోబులేటర్’ అనే ప్రత్యేక ఆయుధాన్ని వినియోగించాయని తెలిపారు.

ఆ ఆయుధాన్ని ఉపయోగించిన వెంటనే ప్రత్యర్థి దేశానికి చెందిన ఆయుధ వ్యవస్థలు పూర్తిగా పనిచేయకుండా పోయాయని ట్రంప్ పేర్కొన్నారు. ఈ టెక్నాలజీ ఆపరేషన్ విజయానికి కీలకంగా నిలిచిందని చెప్పారు. అయితే దీనికి సంబంధించిన మరిన్ని వివరాలు వెల్లడించేందుకు తనకు అనుమతి లేదని, జాతీయ భద్రత కారణంగా విషయాలను గోప్యంగా ఉంచాల్సి ఉంటుందని ఆయన స్పష్టం చేశారు.