

పులివెందుల నియోజకవర్గంలో గురువారం ఉదయం ఉద్రిక్త పరిస్థితులు నెలకొన్నాయి. ఘర్షణలు జరిగే అవకాశం ఉందని, శాంతిభద్రతలకు విఘాతం కలగకుండా ముందస్తు చర్యల్లో భాగంగా వైసీపీ ఎంపీ అవినాశ్రెడ్డిని పోలీసులు అరెస్ట్ చేశారు. పులివెందులలోని కొన్ని ప్రాంతాల్లో 144 సెక్షన్ అమలులో ఉన్నప్పటికీ, ఎంపీ భారీ సంఖ్యలో వాహనాలతో ర్యాలీ నిర్వహించినట్లు సమాచారం. దీంతో ఇప్పటికే ఉద్రిక్తంగా ఉన్న ప్రాంతంలో పరిస్థితి మరింత చర్చనీయాంశంగా మారింది.
సింహాద్రిపురం మండలం అంకాలమ్మగూడూరు సమీపంలో ఎంపీ అవినాశ్రెడ్డి, టీడీపీ నియోజకవర్గ ఇన్ఛార్జ్ బీటెక్ రవికి చెందిన వాహనాలు ఎదురుపడ్డాయి. ఈ క్రమంలో అక్కడ ఘర్షణ వాతావరణం ఏర్పడింది. ఇరువర్గాల మధ్య ఉద్రిక్తతలు పెరిగే అవకాశం ఉండటంతో పాటు శాంతిభద్రతలకు విఘాతం కలగకుండా చూడాలనే ఉద్దేశంతో పోలీసులు అవినాశ్రెడ్డిని ముందస్తుగా అరెస్ట్ చేసినట్లు ప్రకటించారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!