బిగ్‌బాస్ తెలుగు 10 నుంచి సృష్టి ఎలిమినేట్? టాస్కుల్లో సత్తా చూపినా ఓటింగ్‌లో వెనుకబాటు

బిగ్‌బాస్ తెలుగు 10లో మరో ఎలిమినేషన్ చోటుచేసుకున్నట్లు తెలుస్తోంది. ఈ వారం నామినేషన్స్‌లో ఉన్న తొమ్మిది మంది కంటెస్టెంట్లలో సృష్టి కూడా ఉండగా.. చివరకు ఆమె బిగ్‌బాస్ హౌస్‌ను వీడినట్లు సమాచారం. హౌస్‌లో తొలినాళ్లలో సైలెంట్‌గా కనిపించిన సృష్టి.. ఆ తర్వాత తన గేమ్‌తో ప్రేక్షకుల దృష్టిని ఆకర్షించింది. ముఖ్యంగా టాస్కుల్లో ఏమాత్రం వెనక్కి తగ్గకుండా పోరాడుతూ తనలోని పోటీతత్వాన్ని చూపించింది.

ఇటీవల జరిగిన ‘టోటల్ డామినేషన్’ టాస్క్‌లో సృష్టి ప్రదర్శన ఇందుకు ఉదాహరణగా నిలిచింది. ప్రత్యర్థి టీమ్‌కు ముందుగానే అదనపు ప్రయోజనం ఉన్నప్పటికీ.. సృష్టి ఒక్కొక్కటిగా వాటిని తిప్పికొట్టి తన టీమ్‌కు విజయాన్ని అందించింది. ఆమె ఆటతీరుకు బిగ్‌బాస్ నుంచి కూడా ప్రశంసలు లభించాయి. టాస్కుల్లో మెరుగైన ప్రదర్శన ఇచ్చినప్పటికీ.. ప్రేక్షకుల ఓటింగ్‌లో వెనుకబడటంతోనే ఆమె ఎలిమినేట్ అయినట్లు తెలుస్తోంది.