సీఎం రేవంత్‌రెడ్డి కుమార్తెపై ఆరోపణలు

ముఖ్యమంత్రి ఎ. రేవంత్‌రెడ్డి కుమార్తె నైమిషా రెడ్డికి చెందినవిగా పేర్కొంటూ ఆస్తులు, ఫార్మా కంపెనీలపై తప్పుడు ఆరోపణలు ప్రచారం చేస్తున్నారంటూ టీపీసీసీ ఫిషర్‌మెన్ కాంగ్రెస్ కమిటీ చైర్మన్ మెట్టు సాయికుమార్ హైదరాబాద్ సైబర్ క్రైమ్ పోలీసులకు ఫిర్యాదు చేశారు. ఫిర్యాదులో మన్నె క్రిశాంక్, ‘ఎంఆర్ మీడియా తెలంగాణ’తో పాటు మరికొందరి పేర్లను ప్రస్తావించినట్లు పోలీసులు తెలిపారు.

ఫిర్యాదు ఆధారంగా సైబర్ క్రైమ్ పోలీసులు కేసు నమోదు చేసి దర్యాప్తు ప్రారంభించారు. సోషల్ మీడియా వేదికల్లో ప్రచారమైన ఆరోపణలపై ఆధారాలను పరిశీలించి, తప్పుడు లేదా నిరాధార సమాచారాన్ని ప్రచారం చేసిన వారిని గుర్తించి చట్టపరమైన చర్యలు తీసుకోవాలని ఫిర్యాదుదారు కోరారు. ఈ వ్యవహారానికి సంబంధించి ఓ ఇన్‌స్టాగ్రామ్ రీల్ లింక్‌ను కూడా పోలీసులకు అందించినట్లు సమాచారం. ఈ కేసులో తదుపరి చర్యలు చట్టపరమైన ప్రక్రియ ప్రకారం కొనసాగుతున్నాయి.