ప్రారంభమైన అమర్‌నాథ్ యాత్ర

ప్రతిష్ఠాత్మకమైన అమర్‌నాథ్ యాత్ర ప్రారంభమైంది. నేటి నుంచి భక్తులు పవిత్ర హిమలింగ దర్శనం కోసం కాలినడక యాత్రను ప్రారంభించారు. భద్రతా ఏర్పాట్ల మధ్య వేలాది మంది యాత్రికులు బాల్తాల్, పహల్గామ్ మార్గాల ద్వారా పవిత్ర గుహ వైపు ప్రయాణం కొనసాగిస్తున్నారు.

ఈ ఏడాది అమర్‌నాథ్ యాత్రకు ఇప్పటికే సుమారు 4 లక్షల మంది భక్తులు నమోదు చేసుకున్నట్లు అధికారులు తెలిపారు. మొత్తం 57 రోజులపాటు కొనసాగే ఈ యాత్రలో దేశం నలుమూలల నుంచి భక్తులు పాల్గొని పవిత్ర హిమలింగాన్ని దర్శించుకోనున్నారు. యాత్ర సజావుగా సాగేందుకు పరిపాలన, భద్రత, వైద్య సేవలను విస్తృతంగా ఏర్పాటు చేశారు.