సానియా మీర్జా రెండో పెళ్లి వార్తలు వైరల్.. అసలు నిజమేంటి?

భారత మాజీ టెన్నిస్ స్టార్ సానియా మీర్జా రెండో పెళ్లి చేసుకోబోతున్నారంటూ సోషల్ మీడియాలో ప్రచారం మరోసారి ఊపందుకుంది. సానియా త్వరలోనే రెండో వివాహం చేసుకోబోతున్నారంటూ పలు పోస్టులు వైరల్ అవుతున్నాయి. దుబాయ్‌కు చెందిన ఓ విదేశీ స్నేహితుడితో ఆమె కొంతకాలంగా సన్నిహితంగా ఉంటున్నారని, ఈ క్రమంలోనే పెళ్లికి సిద్ధమవుతున్నారని ప్రచారం జరుగుతోంది.

వైరల్ అవుతున్న కథనాల ప్రకారం.. కుటుంబ సభ్యుల అంగీకారంతో దుబాయ్‌లోనే అత్యంత సన్నిహితుల సమక్షంలో సింపుల్‌గా వివాహం చేసుకునే అవకాశం ఉందని చెబుతున్నారు. అయితే సానియా మీర్జా రెండో పెళ్లి, ఆమె వ్యక్తిగత సంబంధానికి సంబంధించి ఆమె నుంచి గానీ, కుటుంబ సభ్యుల నుంచి గానీ ఇప్పటివరకు ఎలాంటి అధికారిక ప్రకటన రాలేదు. దీంతో ప్రస్తుతం సోషల్ మీడియాలో జరుగుతున్న ప్రచారాన్ని నిర్ధారిత వార్తగా చెప్పలేని పరిస్థితి ఉంది. అధికారిక క్లారిటీ కోసం అభిమానులు ఎదురుచూస్తున్నారు.