ఏపీ, మహారాష్ట్ర మంత్రుల కీలక భేటీ

ఆంధ్రప్రదేశ్‌ మంత్రి బీసీ జనార్దన్‌ రెడ్డితో మహారాష్ట్ర పోర్టుల అభివృద్ధి శాఖ మంత్రి నితేష్‌ రాణే భేటీ అయ్యారు. ఈ సందర్భంగా ఏపీలో పోర్టుల అభివృద్ధి, మారిటైమ్‌ పాలసీపై ఇరువురు చర్చించారు. వాటర్‌ మెట్రో, సీప్లేన్‌ సేవలకు సంబంధించిన అంశాలపై అధికారులు ప్రజెంటేషన్‌ ఇచ్చారు. రాష్ట్రంలో అభివృద్ధి చేస్తున్న గ్రీన్‌ఫీల్డ్‌ పోర్టులను నితేష్‌ రాణే ప్రశంసించారు.

ఒక్కో గ్రీన్‌ఫీల్డ్‌ పోర్టు అభివృద్ధికి సుమారు రూ.4,500 కోట్ల వ్యయం అవుతుందని మంత్రి బీసీ జనార్దన్‌ రెడ్డి తెలిపారు. 2027 నాటికి గ్రీన్‌ఫీల్డ్‌ పోర్టుల అభివృద్ధిని పూర్తి చేయాలని లక్ష్యంగా పెట్టుకున్నట్లు చెప్పారు. మారిటైమ్‌ మౌలిక వసతులను బలోపేతం చేయడంతో పాటు జల రవాణా రంగంలో కొత్త అవకాశాలను అభివృద్ధి చేయడంపై భేటీలో చర్చించారు.