బతుకమ్మ 2026: తంగేడు పూలతో మొదలై సద్దుల బతుకమ్మతో ముగిసే తొమ్మిది రోజుల వేడుకలు

బతుకమ్మ తెలంగాణ సంస్కృతి, సంప్రదాయాలు, ప్రకృతి ఆరాధనకు ప్రతీకగా నిలిచే ప్రముఖ పూల పండుగ. వర్షాకాలం ముగిసే సమయంలో ప్రకృతి పచ్చదనంతో కళకళలాడుతూ, వివిధ రకాల తీరొక్క పూలు విరబూసే కాలంలో ఈ వేడుకలు జరుగుతాయి. ముఖ్యంగా మహిళలు పుట్టింటికి చేరి కుటుంబ సభ్యులు, బంధుమిత్రులతో కలిసి పూలతో బతుకమ్మలను పేర్చి, సంప్రదాయ పాటలు పాడుతూ, ఆటలు ఆడుతూ సంబరాలు చేసుకుంటారు.

2026లో బతుకమ్మ వేడుకలు అక్టోబర్ 10న ఎంగిలిపూల బతుకమ్మతో ప్రారంభమై అక్టోబర్ 18న సద్దుల బతుకమ్మతో ముగియనున్నాయి. అక్టోబర్ 11న అటుకుల బతుకమ్మ, 12న ముద్దపప్పు బతుకమ్మ, 13న నానే బియ్యం బతుకమ్మ, 14న అట్ల బతుకమ్మ, 15న అలిగిన బతుకమ్మ, 16న వేపకాయల బతుకమ్మ, 17న వెన్న ముద్దల బతుకమ్మ జరుపుకుంటారు. చివరి రోజైన సద్దుల బతుకమ్మను అత్యంత వైభవంగా నిర్వహిస్తారు. మహిళలు బతుకమ్మలను తలపై పెట్టుకుని ఊరేగింపుగా చెరువుల వద్దకు తీసుకెళ్లి, సంప్రదాయ పాటలు పాడుతూ నిమజ్జనం చేస్తారు.