
రాజకీయాలు

అక్వాన్ తుఫాన్ ప్రభావంతో శ్రీకాకుళం జిల్లాలోని ఉద్దానం ప్రాంతం వరద ముప్పును ఎదుర్కొంటోంది. ఒడిశాలో కురుస్తున్న భారీ వర్షాల కారణంగా బాహుదా నది ఉప్పొంగి ప్రవహిస్తోంది. నదిలోకి భారీగా వరద నీరు చేరడంతో సుమారు 40 వేల క్యూసెక్కుల ప్రవాహం నమోదైంది. దీంతో ఇచ్ఛాపురం పట్టణంలోకి వరద నీరు ప్రవేశించింది. లోతట్టు ప్రాంతాలు నీట మునిగే పరిస్థితి ఏర్పడటంతో స్థానికులు ఆందోళన చెందుతున్నారు.
వరద ప్రవాహం కారణంగా ఇచ్ఛాపురం వెళ్లే బెల్లుపడ రహదారి జలదిగ్బంధంలో చిక్కుకుంది. రహదారిపైకి నీరు చేరడంతో రాకపోకలకు అంతరాయం ఏర్పడింది. ముంపు ప్రమాదం ఉన్న ప్రాంతాల ప్రజలను అధికారులు అప్రమత్తం చేసి సురక్షిత ప్రాంతాలకు తరలిస్తున్నారు. వరద పరిస్థితిని ఎప్పటికప్పుడు పర్యవేక్షిస్తూ ప్రజలకు అవసరమైన సహాయక చర్యలు చేపడుతున్నారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!