సీజెపి పిటిషన్ విచారణ ను తిరస్కరించిన ఢిల్లీ హై కోర్టు

జూన్ 6న "కాక్రోచ్ జనతా పార్టీ" నిర్వహించనున్న నిరసన కార్యక్రమానికి సంబంధించి భద్రతా, జనసమ్మర్థ నియంత్రణ ఏర్పాట్లు చేయాలని కోరుతూ దాఖలైన పిటిషన్‌పై అత్యవసర విచారణ జరపాలని చేసిన అభ్యర్థనను ఢిల్లీ హైకోర్టు తిరస్కరించింది. ఈ పిటిషన్‌ను సేవ్ ఇండియా ఫౌండేషన్ దాఖలు చేసింది.

జస్టిస్ సౌరభ్ బెనర్జీ, జస్టిస్ అమిత్ శర్మల ధర్మాసనం ముందు ఈ అంశాన్ని పిటిషనర్ తరఫు న్యాయవాది ప్రస్తావించారు. ప్రజా భద్రత, శాంతిభద్రతల పరిరక్షణ దృష్ట్యా అత్యవసరంగా విచారణ చేపట్టాలని కోరారు. అయితే ధర్మాసనం ఈ అభ్యర్థనను అంగీకరించకుండా, తక్షణ విచారణకు నిరాకరించింది.