ఏపీ-తెలంగాణలో పలు జిల్లాలకు ఫ్లాష్ ఫ్లడ్ హెచ్చరికలు

భారీ వర్షాలు, ఆకస్మిక వరదల ముప్పు నేపథ్యంలో ఆంధ్రప్రదేశ్‌, తెలంగాణలోని పలు జిల్లాలకు ఫ్లాష్‌ ఫ్లడ్‌ హెచ్చరికలు జారీ అయ్యాయి. ఆంధ్రప్రదేశ్‌లో అనకాపల్లి, విజయనగరం, విశాఖపట్నం, శ్రీకాకుళం, అల్లూరి సీతారామరాజు, కాకినాడ, పార్వతీపురం మన్యం జిల్లాలకు ఫ్లాష్‌ ఫ్లడ్‌ ముప్పు ఉన్నట్లు హెచ్చరికలు వెలువడ్డాయి.

తెలంగాణలో ఖమ్మం, భద్రాద్రి కొత్తగూడెం జిల్లాలకు ఫ్లాష్‌ ఫ్లడ్‌ హెచ్చరికలు జారీ అయ్యాయి. వరద ప్రభావిత ప్రాంతాల ప్రజలు అప్రమత్తంగా ఉండాలని, అధికారుల నుంచి వచ్చే వాతావరణ, అత్యవసర సూచనలను పాటించాలని అధికారులు సూచిస్తున్నారు.