అక్షర్ పటేల్‌కు బదులుగా ఇషాన్ కిషన్.. రాయుడు ఆసక్తికర వ్యాఖ్యలు

న్యూజిలాండ్‌తో జరగనున్న మూడో వన్డే నేపథ్యంలో టీమ్ ఇండియా ప్లేయింగ్ ఎలెవన్‌పై మాజీ క్రికెటర్ అంబటి రాయుడు కీలక సూచనలు చేశారు. భారత జట్టు బ్యాటింగ్ ఆర్డర్‌లో మార్పులు చేయాల్సిన అవసరం ఉందని అభిప్రాయపడ్డారు. ముఖ్యంగా ఐదో స్థానంలో అక్షర్ పటేల్‌కు బదులుగా ఇషాన్ కిషన్‌ను ఆడించాలని సూచించారు. తొలి రెండు వన్డేల్లో అక్షర్ పటేల్ బ్యాటింగ్‌లో ఆశించిన స్థాయిలో రాణించకపోవడమే ఇందుకు కారణమని పేర్కొన్నారు.

అయితే, మాజీ క్రికెటర్ మురళీ కార్తీక్ ఈ విషయంలో భిన్నమైన అభిప్రాయాన్ని వ్యక్తం చేశారు. ఇషాన్ కిషన్‌ను ఐదో స్థానంలో కాకుండా టాప్ ఆర్డర్‌లోనే ఆడించాలని సూచించారు. మూడో వన్డేకు ముందు భారత జట్టు కూర్పుపై మాజీ క్రికెటర్లు చేస్తున్న ఈ సూచనలు ఆసక్తికరంగా మారాయి. తుది జట్టులో ఎవరికి అవకాశం దక్కుతుందనేది ఇప్పుడు చర్చనీయాంశంగా మారింది.