హైదరాబాద్‌లో అర్ధరాత్రి నుంచి దంచికొట్టిన వర్షం

హైదరాబాద్‌లో అర్ధరాత్రి నుంచి భారీ వర్షం కురిసింది. సరూర్‌నగర్‌, హస్తినాపురం, ఉప్పల్‌, చార్మినార్‌, హయత్‌నగర్‌, బాలాపూర్‌, నాంపల్లి, గోల్కొండ, రాజేంద్రనగర్‌ ప్రాంతాల్లో వర్ష ప్రభావం కనిపించింది. పలు లోతట్టు ప్రాంతాలు నీటమునిగాయి. సరూర్‌నగర్‌లో అత్యధికంగా 11.2 సెం.మీ, ఉప్పల్‌లో 8.1 సెం.మీ, బండ్లగూడలో 7.9 సెం.మీ, హయత్‌నగర్‌లో 7.2 సెం.మీ వర్షపాతం నమోదైంది.

వర్షం కారణంగా రోడ్లపై నిలిచిన నీటిని తొలగించేందుకు హైడ్రా, డీఆర్‌ఎఫ్‌, ఎంఆర్‌టీ బృందాలు రంగంలోకి దిగాయి. అర్ధరాత్రి సమయంలోనే సహాయక చర్యలు చేపట్టి మోటార్ల సాయంతో నీటిని తొలగించారు. నగరంలోని పలు ప్రాంతాల్లో పరిస్థితిని అధికారులు పర్యవేక్షిస్తున్నారు.