మలబార్‌-2026 విన్యాసాల కోసం జపాన్‌కు చేరుకున్న ఐఎన్‌ఎస్‌ సహ్యాద్రి

మలబార్‌-2026 నౌకాదళ విన్యాసాల్లో పాల్గొనేందుకు భారత నౌకాదళానికి చెందిన స్టెల్త్‌ ఫ్రిగేట్‌ ఐఎన్‌ఎస్‌ సహ్యాద్రి జపాన్‌కు చేరుకుంది. గురువారం జపాన్‌లోని యొకోసుకా నేవల్‌ బేస్‌కు ఈ యుద్ధనౌక చేరుకుంది. బహుళ దేశాల నౌకాదళాల మధ్య సహకారం, సమన్వయాన్ని మరింత బలోపేతం చేయడమే లక్ష్యంగా ఈ విన్యాసాలు నిర్వహిస్తున్నారు. ఈ కార్యక్రమంలో భారత నౌకాదళం తరఫున ఐఎన్‌ఎస్‌ సహ్యాద్రి పాల్గొననుంది.

యొకోసుకా నేవల్‌ బేస్‌కు చేరుకున్న ఐఎన్‌ఎస్‌ సహ్యాద్రికి జపాన్‌ మారిటైమ్‌ సెల్ఫ్‌ డిఫెన్స్‌ ఫోర్స్‌ తరఫున వైస్‌ అడ్మిరల్‌ యాగి కోజి, జపాన్‌లోని భారత మిషన్‌ డిప్యూటీ చీఫ్‌ ఆర్‌. మధుసూదన్‌ ఘనస్వాగతం పలికారు. మలబార్‌-2026 విన్యాసాల్లో భారత్‌, జపాన్‌, అమెరికా, ఆస్ట్రేలియా దేశాల నౌకాదళాలు పాల్గొంటున్నట్లు నేవీ వర్గాలు వెల్లడించాయి. ఈ విన్యాసాల ద్వారా నాలుగు దేశాల మధ్య సముద్ర భద్రతకు సంబంధించిన సహకారం, సంయుక్త కార్యకలాపాల్లో సమన్వయం మరింత మెరుగుపడనుంది.