జూరాల నుంచి శ్రీశైలానికి భారీగా నీటి విడుదల!

జూరాల జలాశయానికి వస్తున్న వరద ప్రవాహం క్రమంగా తగ్గింది. ప్రస్తుతం ప్రాజెక్టులోకి 34 వేల క్యూసెక్కుల నీరు చేరుతోంది. జలవిద్యుత్‌ ఉత్పత్తి ద్వారా అధికారులు 31 వేల క్యూసెక్కుల నీటిని శ్రీశైలం జలాశయానికి విడుదల చేస్తున్నారు. జూరాల ప్రాజెక్టు పూర్తిస్థాయి నీటిమట్టం 318.51 మీటర్లు కాగా, ప్రస్తుతం 318.24 మీటర్లుగా నమోదైంది.

జూరాల జలాశయం పూర్తి నీటి నిల్వ సామర్థ్యం 9.65 టీఎంసీలు కాగా, ప్రస్తుతం 9.09 టీఎంసీల నీరు నిల్వ ఉంది. వరద ప్రవాహం తగ్గినప్పటికీ ప్రాజెక్టులో నీటి నిల్వ గణనీయంగానే ఉన్నట్లు అధికారులు తెలిపారు. శ్రీశైలం వైపు నీటి విడుదల కొనసాగుతోంది.