హైదరాబాద్‌లో ట్రాఫిక్ సమస్యలకు చెక్.. కీలక కారిడార్‌పై సమగ్ర అధ్యయనం

హైదరాబాద్‌లో అత్యంత రద్దీగా ఉండే JNTU–మియాపూర్–రాయదుర్గ్‌ కారిడార్‌లో ట్రాఫిక్ సమస్యలను తగ్గించేందుకు అధికారులు సమగ్ర అధ్యయనం చేపట్టాలని నిర్ణయించారు. ముఖ్యంగా రాయదుర్గ్‌ మెట్రో స్టేషన్‌ పరిసరాల్లో రహదారి వెడల్పు ఒక్కసారిగా తగ్గడం, వాహనాల రద్దీ పెరగడం వల్ల ట్రాఫిక్ జామ్‌లు ఏర్పడుతున్నట్లు అధికారులు గుర్తించారు.

ఈ సమస్యలకు పరిష్కారం కనుగొనేందుకు సైబరాబాద్ మున్సిపల్ కార్పొరేషన్, TGSRTC, సైబరాబాద్ ట్రాఫిక్ పోలీసులు కలిసి రూట్‌లోని కీలక బ్రేక్ పాయింట్లను గుర్తించనున్నారు. మిస్సింగ్ ఫుట్‌పాత్ లింకులు, అక్రమ ఆక్రమణలు, పాదచారుల క్రాసింగ్‌లు, స్కూల్ జోన్‌లలో రద్దీ వంటి అంశాలను పరిశీలించనున్నారు. నిరంతర ఫుట్‌పాత్‌లు, ప్రత్యేక పికప్–డ్రాప్‌ఆఫ్ బేలు, నియంత్రిత ఆటో స్టాండ్లు, ప్రధాన క్యారేజ్‌వేకు దూరంగా స్కూల్ డ్రాప్‌ఆఫ్ జోన్లను ఏర్పాటు చేసే ప్రతిపాదనలను కూడా పరిశీలిస్తున్నారు.