ఢిల్లీలో ఎల్లుండి ఇండియా కూటమి నేతల భారీ ఆందోళన

ఇండియా కూటమి నేతలు ఎల్లుండి ఢిల్లీలో భారీ ఆందోళనకు సిద్ధమవుతున్నారు. ప్రధాన ఎన్నికల కమిషనర్ (సీఈసీ) జ్ఞానేశ్ కుమార్‌కు వ్యతిరేకంగా కాంగ్రెస్ తన నిరసనను మరింత ఉధృతం చేయాలని యోచిస్తోంది. ఈ ఆందోళనలో దేశవ్యాప్తంగా ఉన్న కాంగ్రెస్ నేతలు పాల్గొననున్నట్లు సమాచారం.

అన్ని రాష్ట్రాల కాంగ్రెస్ నేతలను సమీకరించి దేశ రాజధానిలో భారీ ప్రదర్శన నిర్వహించేందుకు పార్టీ సన్నాహాలు చేస్తోంది. సీఈసీకి వ్యతిరేకంగా చేపట్టిన నిరసన కార్యక్రమాన్ని మరింత బలోపేతం చేయడమే ఈ ప్రదర్శన లక్ష్యంగా కనిపిస్తోంది. ఆందోళనకు సంబంధించిన మరిన్ని వివరాలు వెల్లడికావాల్సి ఉంది.