అమెరికాలో ₹85 వేల మందు... భారత్‌లో కేవలం ₹35..!

అమెరికా సంయుక్త రాష్ట్రాలకు చెందిన ఓ మహిళ చేసిన వీడియో సోషల్ మీడియాలో వైరల్ అవుతోంది. ఆమె వెల్లడించిన ప్రకారం, క్యాన్సర్ మందు రెవ్లిమిడ్ అమెరికాలో సుమారు ₹85,000 ఉండగా, భారత్‌లో కేవలం ₹35కే లభిస్తోంది. ఈ భారీ ధర తేడా ప్రపంచవ్యాప్తంగా వైద్య ఖర్చులపై చర్చకు దారితీసింది.

అమెరికా ఆరోగ్య వ్యవస్థ రోగులపై భారీ ఆర్థిక భారం మోపుతోందని ఆమె ఆవేదన వ్యక్తం చేయగా, భారత్‌లో తక్కువ ధరల్లో వైద్యం అందుబాటులో ఉందని పేర్కొన్నారు. దీనిపై నెటిజన్లు స్పందిస్తూ, మందుల కోసం భారత్‌కు రావడం చవకగా ఉంటుందని కామెంట్లు చేస్తున్నారు.