ఈసీ ఆఫీస్ దగ్గర ఎంపీల ఆందోళన, రాహుల్ గాంధీ అరెస్ట్

కేంద్ర ఎన్నికల సంఘం ప్రధాన కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ విపక్ష ఎంపీలు ఈసీ కార్యాలయం వద్ద నిరసన చేపట్టారు. ఈ సందర్భంగా కాంగ్రెస్ అగ్రనేత, లోక్‌సభలో ప్రతిపక్ష నేత రాహుల్ గాంధీ, కాంగ్రెస్ పార్టీ జాతీయ ప్రధాన కార్యదర్శి కేసీ వేణుగోపాల్ సహా పలువురు కాంగ్రెస్ నేతలను పోలీసులు అదుపులోకి తీసుకున్నారు. నిరసనకారులను అడ్డుకునేందుకు పోలీసులు బారికేడ్లు ఏర్పాటు చేయగా, రాహుల్ గాంధీ బారికేడ్లు ఎక్కి నిరసన తెలిపారు.

ఈ సందర్భంగా విపక్ష ఎంపీలు నినాదాలు చేస్తూ నిరసన కొనసాగించారు. పరిస్థితిని అదుపులోకి తీసుకునేందుకు పోలీసులు పలువురు ఎంపీలను అరెస్ట్ చేసి బస్సుల్లో తరలించారు. ఈ ఘటనతో ఈసీ కార్యాలయం పరిసరాల్లో ఉద్రిక్త పరిస్థితులు నెలకొన్నాయి. జ్ఞానేశ్ కుమార్ రాజీనామా చేయాలని డిమాండ్ చేస్తూ విపక్ష ఎంపీలు తమ నిరసనను కొనసాగించారు.