తెలంగాణ ప్రజలకు పవన్ కళ్యాణ్ శుభాకాంక్షలు

తెలంగాణ ఆవిర్భావ దినోత్సవం సందర్భంగా ఆంధ్రప్రదేశ్ ఉప ముఖ్యమంత్రి పవన్ కళ్యాణ్ రాష్ట్ర ప్రజలకు హృదయపూర్వక శుభాకాంక్షలు తెలిపారు. కోట్లాది ప్రజల ఆశయాలు, యువత త్యాగాలతో సాధించిన రాష్ట్రంగా తెలంగాణను అభివర్ణిస్తూ, రాష్ట్ర ఆవిర్భావానికి పన్నెండు సంవత్సరాలు పూర్తైన సందర్భంగా ప్రజలకు అభినందనలు తెలిపారు.

తెలంగాణ గడ్డ పోరాట స్ఫూర్తికి ప్రతీక అని పేర్కొన్న పవన్ కళ్యాణ్, అణగారిన వర్గాల సంక్షేమం, యువత ఆకాంక్షలు, వ్యక్తి స్వేచ్ఛ కోసం గళం వినిపించే ధైర్యం ఈ నేల ప్రత్యేకత అని అన్నారు. తెలంగాణ మరింత అభివృద్ధి సాధించాలని ఆకాంక్షిస్తూ, రాష్ట్ర సాధన కోసం బలిదానం చేసిన వారందరికీ నివాళులర్పించారు.