సోమాలియా తీరంలో సముద్రపు దొంగల బీభత్సం..

సోమాలియా సముద్రపు దొంగలు ఇరాన్‌కు చెందిన ‘అజిని’ నౌకను హైజాక్‌ చేశారు. ఈ ఘటన ఈశాన్య సోమాలియా తీరంలో గురువారం చోటుచేసుకుంది. బందర్‌ బేలా, హఫూన్‌ తీర ప్రాంత పట్టణాల మధ్య ఈ నౌకను దొంగలు తమ ఆధీనంలోకి తీసుకున్నట్లు సమాచారం. ఈ ఘటనపై పుట్లాండ్‌ తీర భద్రత అధికారులు వివరాలు వెల్లడించారు.

హైజాక్‌కు గురైన నౌకలో 21 మంది ఇరాన్‌ సిబ్బందితో పాటు ఇద్దరు సోమాలియా అధికారులు ఉన్నట్లు అధికారులు తెలిపారు. నౌకను ఎక్కడికి తరలించారు? అందులోని సిబ్బంది పరిస్థితి ఏమిటి? అనే వివరాలు ఇంకా తెలియాల్సి ఉంది. ఈ ఘటనతో సోమాలియా తీర ప్రాంతంలో సముద్ర భద్రతపై మరోసారి ఆందోళనలు వ్యక్తమవుతున్నాయి.