

స్థానిక సంస్థల ఎన్నికలను ప్రశాంతంగా, పారదర్శకంగా నిర్వహించేందుకు రాష్ట్ర ఎన్నికల సంఘం (ఎస్ఈసీ) కీలక ఆదేశాలు జారీ చేసింది. సమస్యాత్మక ప్రాంతాలను ముందుగానే గుర్తించి, అక్కడ పటిష్ఠమైన పోలీసు బందోబస్తు ఏర్పాటు చేయాలని అధికారులను ఆదేశించింది. ఓటర్లు ఎలాంటి భయాందోళనలకు గురికాకుండా స్వేచ్ఛగా తమ ఓటు హక్కును వినియోగించుకునేలా అవసరమైన భద్రతా చర్యలు చేపట్టాలని స్పష్టం చేసింది. వేంపల్లి ఎన్నికల విషయంలో హైకోర్టు ఆదేశాలకు అనుగుణంగా భద్రతా ఏర్పాట్లు చేయాలని సూచించింది.
నామినేషన్ల ప్రక్రియ పారదర్శకంగా జరిగేలా సీసీటీవీ కెమెరాల నిఘా ఏర్పాటు చేయాలని ఎస్ఈసీ ఆదేశించింది. తుఫాన్ ప్రభావంతో ఎన్నికల ప్రక్రియకు ఎలాంటి ఆటంకం కలగకుండా ముందస్తు చర్యలు తీసుకోవాలని అధికారులకు సూచించింది. వర్షాలు కురిసినా పోలింగ్కు ఇబ్బందులు తలెత్తకుండా అవసరమైన ఏర్పాట్లు చేస్తామని ఎన్నికల సంఘం స్పష్టం చేసింది. ఎన్నికల నిర్వహణలో ఎలాంటి అవాంఛనీయ ఘటనలకు తావులేకుండా అన్ని శాఖలు సమన్వయంతో పనిచేయాలని ఆదేశించింది.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!