తెలంగాణ TGTET ఇన్-సర్వీస్ ఫలితాలు విడుదల.. మార్కులు ఇలా చెక్ చేసుకోండి!

తెలంగాణ పాఠశాల విద్యాశాఖ TGTET ఇన్-సర్వీస్ టీచర్స్ 2026 ఫలితాలను విడుదల చేసింది. పరీక్షకు హాజరైన అభ్యర్థులు తమ ఫలితాలను తెలంగాణ పాఠశాల విద్యాశాఖ అధికారిక వెబ్‌సైట్ https://schooledu.telangana.gov.in

లో చెక్ చేసుకోవచ్చు. అలాగే సమీపంలోని మీ-సేవ కేంద్రాల ద్వారా కూడా మార్కుల వివరాలను డౌన్‌లోడ్ చేసుకోవచ్చని విద్యాశాఖ అధికారులు తెలిపారు.

సెప్టెంబర్ 8, 9 తేదీల్లో కంప్యూటర్ ఆధారిత పరీక్ష (CBT) విధానంలో TGTET పరీక్షలను నిర్వహించారు. మొత్తం 24,986 మంది దరఖాస్తు చేసుకోగా, 22,477 మంది పరీక్షకు హాజరయ్యారు. వీరిలో 15,749 మంది అర్హత సాధించారు. దీంతో రాష్ట్రవ్యాప్తంగా మొత్తం ఉత్తీర్ణత శాతం 70.07గా నమోదైంది. పేపర్-1లో 68.76 శాతం మంది ఉత్తీర్ణత సాధించగా, పేపర్-2 మ్యాథ్స్ అండ్ సైన్స్‌లో 73.60 శాతం, పేపర్-2 సోషల్ స్టడీస్‌లో 67 శాతం మంది అర్హత సాధించారు.