శ్రీకాకుళంలో ఉద్ధృతంగా వంశధార.. గొట్టా బ్యారేజీ వద్ద తొలి ప్రమాద హెచ్చరిక

శ్రీకాకుళం జిల్లాలో కురుస్తున్న భారీ వర్షాలతో వంశధార నది ఉద్ధృతంగా ప్రవహిస్తోంది. గొట్టా బ్యారేజీ వద్ద వరద ప్రవాహం పెరగడంతో అధికారులు తొలి ప్రమాద హెచ్చరిక జారీ చేశారు. నదిలో నీటి ప్రవాహం పెరుగుతుండటంతో దిగువ ప్రాంతాల పరిస్థితిని అధికారులు ఎప్పటికప్పుడు పర్యవేక్షిస్తున్నారు.

ప్రస్తుతం వంశధార నదిలో సుమారు 41 వేల క్యూసెక్కుల నీటి ప్రవాహం కొనసాగుతోంది. బ్యారేజీ నుంచి కూడా అంతే మొత్తంలో నీటిని దిగువకు విడుదల చేస్తున్నారు. వరద ఉద్ధృతి దృష్ట్యా నదీ పరివాహక ప్రాంతాల ప్రజలు అప్రమత్తంగా ఉండాలని అధికారులు సూచించారు. అవసరం లేకుండా నదులు, వాగుల సమీపానికి వెళ్లవద్దని హెచ్చరించారు.