పార్టీ కార్యకర్తలకు అండగా ఉంటాం: కేటీఆర్

బీఆర్ఎస్ వర్కింగ్ ప్రెసిడెంట్ కేటీఆర్ పార్టీ కార్యకర్తల గౌరవం విషయంలో గతంలో కొన్ని తప్పులు జరిగాయని అంగీకరించారు. ప్రభుత్వం నిర్వహణపై ఎక్కువ దృష్టి పెట్టిన సమయంలో పార్టీ బలోపేతంపై ఆశించినంతగా దృష్టి పెట్టలేకపోయామని పేర్కొన్నారు. కొత్త రాష్ట్రం, కొత్త ప్రభుత్వం కావడంతో తెలంగాణ అభివృద్ధి దిశగా ముందుకు సాగాలనే లక్ష్యంతో పనిచేశామని తెలిపారు.

భవిష్యత్తులో పరిస్థితి భిన్నంగా ఉంటుందని కేటీఆర్ స్పష్టం చేశారు. 2028లో కేసీఆర్ మళ్లీ ముఖ్యమంత్రిగా బాధ్యతలు చేపట్టిన తర్వాత కార్యకర్తల సంక్షేమం, ప్రజల సంక్షేమం రెండింటినీ సమానంగా చూసుకుంటామని హామీ ఇచ్చారు. పార్టీ కార్యకర్తలకు రావాల్సిన గౌరవం, పదవులు, అవకాశాలు అందేలా కృషి చేస్తానని చెప్పారు.