

దుల్కర్ సల్మాన్ హీరోగా, పవన్ సాదినేని దర్శకత్వంలో తెరకెక్కిన తాజా చిత్రం ‘ఆకాశంలో ఒక తార’ నవంబర్ 20న ప్రేక్షకుల ముందుకు వచ్చింది. ఈ సినిమాకు పాజిటివ్ టాక్ వస్తుండటంతో పాటు, ఇందులో హీరోయిన్గా పరిచయమైన సాత్విక వీరవల్లి కూడా టాలీవుడ్లో హాట్ టాపిక్గా మారింది. తొలి సినిమాతోనే తన అందం, నటనతో ప్రేక్షకులను ఆకట్టుకున్న ఈ కొత్త భామకు వరుసగా భారీ ప్రాజెక్టుల్లో అవకాశాలు వస్తున్నాయంటూ ప్రచారం జరుగుతోంది. ముఖ్యంగా రామ్ చరణ్ హీరోగా, సుకుమార్ దర్శకత్వంలో తెరకెక్కనున్న క్రేజీ ప్రాజెక్ట్ ‘RC 17’ కోసం సాత్వికకు ఇప్పటికే ఫొటోషూట్ నిర్వహించినట్లు ఇండస్ట్రీ వర్గాల్లో టాక్ వినిపిస్తోంది. సుకుమార్ కూడా ఆమెను దాదాపుగా ఎంపిక చేసినట్లు, త్వరలోనే దీనిపై అధికారిక ప్రకటన వచ్చే అవకాశం ఉందని వార్తలు వస్తున్నాయి.
మరోవైపు ‘బెదురులంక’ ఫేమ్ క్లాక్స్ దర్శకత్వంలో నాగచైతన్య హీరోగా, గీతా ఆర్ట్స్ నిర్మించనున్న ఫాంటసీ డ్రామా ‘NC-25’లోనూ సాత్విక హీరోయిన్గా నటించనున్నట్లు ప్రచారం సాగుతోంది. ఇటీవల ఓ కార్యక్రమంలో నిర్మాత అల్లు అరవింద్ సాత్వికకు రెండు ప్రాజెక్టుల్లో అవకాశాలు ఇచ్చినట్లు వెల్లడించడంతో ఈ వార్తలకు మరింత బలం చేకూరింది. వీటితో పాటు మైత్రీ మూవీ మేకర్స్ బ్యానర్పై కరణ్ అరవింద్ కుమార్, ధృవ్ విక్రమ్ కాంబినేషన్లో తెరకెక్కనున్న ‘జాకీ’ సినిమాలోనూ ఆమెకు అవకాశం దక్కినట్లు సమాచారం. అయితే ఈ ప్రాజెక్టుల్లో ఆమె ఎంపికపై ఇంకా అధికారిక ప్రకటనలు రావాల్సి ఉంది. తొలి సినిమాతోనే ఇన్ని అవకాశాల గురించి ప్రచారం జరుగుతుండటంతో సాత్విక పేరు ప్రస్తుతం సోషల్ మీడియాలో ట్రెండింగ్లో నిలిచింది.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!