‘మాతృభూమి’ రిలీజ్‌పై మరో బిగ్ ట్విస్ట్!

బాలీవుడ్ స్టార్ సల్మాన్ ఖాన్, చిత్రాంగద సింగ్ జంటగా నటిస్తున్న 'మాతృభూమి' చిత్రానికి అపూర్వ లఖియా దర్శకత్వం వహిస్తున్నారు. ఈ చిత్రంలో సల్మాన్ ఖాన్ కల్నల్ సంతోష్ బాబు పాత్రలో కనిపించనున్నారు. తొలుత 'బాటిల్ ఆఫ్ గాల్వాన్' అనే పేరును నిర్ణయించిన చిత్రబృందం, వివాదాలకు తావివ్వకుండా తరువాత 'మాతృభూమి'గా మార్చింది. షూటింగ్ పూర్తైనప్పటికీ సెన్సార్ సంబంధిత అంశాల కారణంగా సినిమా విడుదల ఆలస్యమవుతోంది.

కొన్ని సున్నితమైన అంశాలపై అభ్యంతరాలు వ్యక్తమైన నేపథ్యంలో సినిమా విడుదల 2027కి వాయిదా పడే అవకాశం ఉందని సమాచారం. అయితే అన్ని సమస్యలు సకాలంలో పరిష్కారమైతే 2026 అక్టోబర్ 20 లాంగ్ వీకెండ్‌ను లక్ష్యంగా చేసుకుని విడుదల చేసే అవకాశమూ ఉందని టాక్ వినిపిస్తోంది. అయితే దీనిపై చిత్రబృందం నుంచి అధికారిక ప్రకటన రావాల్సి ఉంది.