

మెగాపవర్ స్టార్ రామ్ చరణ్ హీరోగా, దర్శకుడు సుకుమార్ తెరకెక్కించనున్న ఆయన 17వ సినిమాపై ఇప్పటికే భారీ అంచనాలు నెలకొన్నాయి. RC17 పేరుతో ప్రచారంలో ఉన్న ఈ చిత్రాన్ని ఇటీవలే గ్రాండ్గా ప్రారంభించారు. ప్రస్తుతం సినిమాకు సంబంధించిన నటీనటుల ఎంపిక కొనసాగుతున్నట్లు తెలుస్తోంది. ముఖ్యంగా రామ్ చరణ్ సరసన కథానాయికగా ఎవరిని ఎంపిక చేస్తారనే అంశం ఆసక్తికరంగా మారింది.
ఈ సినిమాలో హీరోయిన్ పాత్ర కోసం ఇప్పటికే పలువురు నటీమణుల పేర్లు వినిపించగా, తాజాగా తెలుగు నటి సాత్విక పేరు మరోసారి తెరపైకి వచ్చింది. ఆకాశంలో ఒక తార సినిమాతో వెండితెరకు పరిచయమైన ఆమె, తొలి చిత్రంలోనే తన నటనతో మంచి గుర్తింపు తెచ్చుకున్నట్లు సమాచారం. గతంలోనూ RC17 హీరోయిన్ రేసులో ఆమె పేరు వినిపించడంతో ఈ భారీ ప్రాజెక్టులో అవకాశం దక్కించుకుంటుందా అనే చర్చ మొదలైంది. అయితే సాత్విక ఎంపికపై చిత్రబృందం నుంచి ఇంకా అధికారిక ప్రకటన వెలువడలేదు. మైత్రి మూవీ మేకర్స్ నిర్మిస్తున్న ఈ సినిమా వచ్చే ఏడాది సెట్స్పైకి వెళ్లే అవకాశం ఉంది.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!