‘రామాయణ’ తెలుగు రిలీజ్‌పై బిగ్ అప్‌డేట్.. రంగంలోకి ఎస్‌వీసీ?

బాలీవుడ్‌లో అత్యంత ప్రతిష్టాత్మకంగా తెరకెక్కుతున్న ‘రామాయణ’పై దేశవ్యాప్తంగా భారీ హైప్ నెలకొంది. నితేష్ తివారి దర్శకత్వం వహిస్తున్న ఈ చిత్రంలో రణ్‌బీర్ కపూర్ రాముడిగా, సాయి పల్లవి సీతగా నటిస్తున్నారు. భారీ స్థాయిలో రూపొందుతున్న ఈ ఎపిక్ చిత్రాన్ని థియేటర్లలో ఎప్పుడెప్పుడు చూడాలా అని ప్రేక్షకులు ఆసక్తిగా ఎదురుచూస్తున్నారు.

ఈ సినిమాను పలు భాషల్లో గ్రాండ్‌గా విడుదల చేసేందుకు మేకర్స్ సన్నాహాలు చేస్తున్నట్లు తెలుస్తోంది. ఇందులో భాగంగా తెలుగు రాష్ట్రాల్లో ‘రామాయణ’ను ప్రముఖ నిర్మాణ సంస్థ శ్రీ వెంకటేశ్వర క్రియేషన్స్ విడుదల చేయనున్నట్లు సినీ వర్గాల్లో టాక్ వినిపిస్తోంది. అయితే దీనిపై అధికారిక ప్రకటన రావాల్సి ఉంది. కన్నడ స్టార్ యష్ రావణుడి పాత్రలో నటిస్తుండటం సినిమాపై ఆసక్తిని మరింత పెంచుతోంది. నమిత్ మల్హోత్రా భారీ బడ్జెట్‌తో నిర్మిస్తున్న ఈ చిత్రాన్ని దీపావళి కానుకగా ప్రేక్షకుల ముందుకు తీసుకురావాలని మేకర్స్ భావిస్తున్నారు.