‘ది ప్యారడైజ్’ విడుదలపై క్లారిటీ?

నేచురల్ స్టార్ నాని హీరోగా శ్రీకాంత్ ఓదెల దర్శకత్వంలో తెరకెక్కుతున్న ప్రతిష్టాత్మక చిత్రం ‘ది ప్యారడైజ్’ విడుదల తేదీపై మరోసారి చర్చ మొదలైంది. ఇప్పటికే పలుమార్లు వాయిదా పడిన ఈ సినిమాపై తాజాగా మరోసారి వాయిదా ప్రచారం అభిమానుల్లో అయోమయాన్ని పెంచుతోంది. ఒకవైపు సినిమా వాయిదా పడటం ఖాయమంటూ కొన్ని సినీ వర్గాలు చెబుతుండగా, విదేశీ మార్కెట్ వర్గాల నుంచి మాత్రం అలాంటి పరిస్థితి లేదనే సమాచారం వినిపిస్తోంది.

తాజా సమాచారం ప్రకారం ‘ది ప్యారడైజ్’ వాయిదా వార్తల్లో నిజం లేదని తెలుస్తోంది. నిర్మాణానంతర పనులు వేగంగా సాగుతున్నప్పటికీ, అనుకున్న సమయానికే సినిమాను ప్రేక్షకుల ముందుకు తీసుకురావాలని చిత్రబృందం నిర్ణయించినట్లు సమాచారం. దీంతో కొంతకాలంగా కొనసాగుతున్న విడుదల తేదీ గందరగోళానికి త్వరలోనే తెరపడే అవకాశం ఉందని తెలుస్తోంది. అనిరుధ్ రవిచందర్ సంగీతం అందిస్తున్న ఈ చిత్రాన్ని ఎస్‌ఎల్‌వీ సినిమాస్ నిర్మిస్తోంది.