విజయ్ ‘జన నాయగన్’ రిలీజ్‌కు భారీ ట్విస్ట్!

ముఖ్యమంత్రిగా ఉన్న సమయంలో సినిమా విడుదలవుతున్న అరుదైన రికార్డును విజయ్ ‘జన నాయగన్’తో సొంతం చేసుకోబోతున్నారు. గతంలో ఎంజీఆర్, ఎన్టీఆర్ సీఎంలుగా కొనసాగుతున్న సమయంలో వారి సినిమాలు విడుదల కాగా, ఇప్పుడు విజయ్ కూడా అదే జాబితాలో చేరనున్నారు. జూలై 24న విడుదల కానున్న ఈ చిత్రానికి సెన్సార్ బోర్డు ‘ఏ’ సర్టిఫికెట్ ఇవ్వడంతో పిల్లల కోసం ప్రత్యేక ప్రదర్శనలు నిర్వహించాలని చేసిన ప్రణాళికలు అమలు కావడం కష్టంగా మారింది.

తెలుగు చిత్రం ‘భగవంత్ కేసరి’ ఆధారంగా రూపొందుతున్న ఈ చిత్రంలో మమిత బైజు ఎపిసోడ్ మినహా సెకండాఫ్, విలన్ ట్రాక్, ఫ్లాష్‌బ్యాక్ వంటి కీలక భాగాలను పూర్తిగా మార్చినట్లు సమాచారం. క్లైమాక్స్‌ను భారీ స్థాయిలో రూపొందించినట్లు సినీ వర్గాల్లో చర్చ జరుగుతోంది. విడుదలకు ముందే భారీ అంచనాలు నెలకొన్న ఈ చిత్రం తమిళనాడు, ఓవర్సీస్ మార్కెట్‌లో బాక్సాఫీస్ రికార్డులు సృష్టించే అవకాశముందని ట్రేడ్ వర్గాలు భావిస్తున్నాయి.