అనుపమ వ్యాఖ్యలపై ధ్రువ్ విక్రమ్ రియాక్షన్...

తాజాగా నటి అనుపమ చేసిన వ్యాఖ్యలపై హీరో ధ్రువ్ విక్రమ్ స్పందించారు. చెన్నైలో జరిగిన ఓ కార్యక్రమంలో పాల్గొన్న ఆయన.. అనుపమ వ్యాఖ్యలతో పాటు నిర్మాతలతో తనకు సంబంధించిన వివాదంపై కూడా మాట్లాడారు. తాను చాలా చిన్న వయసులోనే నటుడిగా సినీ ప్రయాణాన్ని ప్రారంభించానని, సినీ ప్రముఖుల వ్యక్తిగత జీవితాలపై విమర్శలు, పరిశీలనలు ఎక్కువగా ఉంటాయని తనకు తెలుసని చెప్పారు. ఇలాంటి విషయాలు తనను ప్రభావితం చేయలేదని చెప్పలేనని, అయితే మనం ప్రేమించే వ్యక్తులకు గట్టిగా అండగా నిలవడం ఎంతో ముఖ్యమని పేర్కొన్నారు.

నిజాయితీగా ఉండి సత్యం వైపు నిలబడితే ఇలాంటి వివాదాలు, విమర్శలు క్రమంగా కనుమరుగవుతాయని ధ్రువ్ విక్రమ్ అన్నారు. తన సినీ ప్రయాణంలో ఎన్నో కష్టాలు, అడ్డంకులు ఎదురైనా అభిమానులు తనకు అండగా నిలిచారని గుర్తు చేసుకున్నారు. అనుపమ వ్యాఖ్యలు, నిర్మాతలతో వివాదంపై ధ్రువ్ చేసిన తాజా వ్యాఖ్యలు ప్రస్తుతం తమిళ సినీ వర్గాల్లో చర్చనీయాంశంగా మారాయి.