కాజల్‌కు తప్పని నిరాశలు?

భారీ సినిమాల్లో అవకాశాలు వస్తున్నా కాజల్ అగర్వాల్‌కు మాత్రం తెరపై ఆశించినంత ప్రాధాన్యం దక్కడం లేదనే చర్చ మొదలైంది. గతంలో 'ఇండియన్ 2' సినిమాలో ఆమె నటించినప్పటికీ, విడుదలైన చిత్రంలో సన్నివేశాలు కనిపించకపోవడంతో అభిమానులు నిరాశ చెందారు. ఇప్పుడు 'రామాయణం' విషయంలోనూ ఇలాంటి పరిస్థితే ఎదురవుతోందనే వార్తలు ఆసక్తిని పెంచుతున్నాయి. ఇందులో మండోదరి పాత్రలో కనిపించనున్న కాజల్‌కు పరిమిత సమయమే కేటాయించారనే ప్రచారం సాగుతోంది.
వరుసగా ప్రతిష్ఠాత్మక చిత్రాల్లో భాగమవుతున్నా, పూర్తి స్థాయిలో తన నటనను చూపించే అవకాశం మాత్రం రావడం లేదనే అభిప్రాయాలు వ్యక్తమవుతున్నాయి. ముఖ్యంగా ఈ రెండు సినిమాల్లోనూ ఆమె పాత్రలకు తర్వాతి భాగాల్లోనే ఎక్కువ ప్రాధాన్యం ఉండేలా కనిపిస్తోంది. మొదటి భాగాల్లో కనిపించకపోయినా, తదుపరి చిత్రాల్లో కథను ప్రభావితం చేసే స్థాయిలో పాత్రలు ఉంటాయా అన్నది ఆసక్తికరంగా మారింది. ఎన్నో విజయవంతమైన చిత్రాల్లో నటించిన కాజల్‌కు రాబోయే సినిమాలైనా మంచి గుర్తింపును తీసుకొస్తాయో చూడాలి.