జైలర్ 2లో హృతిక్ రెమ్యునరేషన్‌ ఎంతో తెలుసా?

రజనీకాంత్‌ నటించిన తాజా చిత్రం ‘జైలర్ 2’లో బాలీవుడ్ స్టార్ హృతిక్ రోషన్ ప్రత్యేక పాత్రలో కనిపించి సందడి చేశారు. ఈ సినిమా ప్రపంచవ్యాప్తంగా సుమారు రూ.130 కోట్ల వసూళ్లతో ఘనంగా ప్రారంభమైనట్లు అంచనాలు వెలువడ్డాయి. తాజాగా ఈ చిత్రంలో హృతిక్ తీసుకున్న పారితోషికంపై ఆసక్తికర చర్చ జరుగుతోంది. కేవలం ఒక్క డైలాగ్ మాత్రమే చెప్పినట్లు ప్రచారం జరుగుతున్నప్పటికీ, ఆయన ఈ చిన్న పాత్ర కోసం సుమారు రూ.25 కోట్లు అందుకున్నట్లు కథనాలు పేర్కొంటున్నాయి.

హృతిక్ అతిథి పాత్రకు మిశ్రమ స్పందనలు వస్తున్నాయి. ఆయన కనిపించడం ఉత్తర భారత మార్కెట్‌లో సినిమా వసూళ్లకు ఎంతవరకు ఉపయోగపడుతుందనే ఆసక్తి నెలకొంది. నెల్సన్ దిలీప్‌కుమార్ దర్శకత్వం వహించిన ఈ చిత్రాన్ని సన్ పిక్చర్స్ భారీ స్థాయిలో నిర్మించగా, అనిరుధ్ రవిచందర్ సంగీతం అందించారు. సినిమా ముగింపు ‘జైలర్ 3’పై కూడా ఊహాగానాలకు తెరతీసింది.