హృదయం మురళి ట్రైలర్ విడుదల..

టాలీవుడ్ ప్రముఖ సంగీత దర్శకుడు ఎస్.ఎస్. తమన్ కీలక పాత్రలో నటిస్తున్న హృదయం మురళి చిత్రానికి ఆకాష్ భాస్కరన్ దర్శకత్వం వహించారు. తమిళంలో ఇదయం మురళి పేరుతో రూపొందిన ఈ చిత్రాన్ని తెలుగులో హృదయం మురళి పేరుతో విడుదల చేస్తున్నారు. ఈ సినిమాలో ప్రీతి ముకుందన్, కయాదు లోహర్ కథానాయికలుగా నటించగా, సంగీతాన్ని కూడా తమనే సమకూర్చారు.

తాజాగా విడుదలైన తెలుగు ట్రైలర్‌ను పరిశీలిస్తే, కాలేజీ నేపథ్యంలో సాగే యూత్‌ఫుల్ రొమాంటిక్ లవ్ స్టోరీగా ఈ చిత్రాన్ని తెరకెక్కించినట్లు తెలుస్తోంది. ప్రేమ, భావోద్వేగాలు, వినోదం కలగలిసిన కథతో ప్రేక్షకులను అలరించేందుకు సిద్ధమవుతోంది. శంకర్ దర్శకత్వంలో వచ్చిన బాయ్స్ చిత్రం తర్వాత నటుడిగా మరోసారి ప్రేక్షకుల ముందుకు వస్తున్న తమన్ ఈ సినిమాపై ఆసక్తిని పెంచుతున్నారు. హృదయం మురళి జూలై 10న ప్రపంచవ్యాప్తంగా విడుదల కానుంది.