‘రణబాలి’ ట్రైలర్‌కు టైమ్ ఫిక్స్.. పవర్‌ఫుల్ పోస్టర్‌తో అదిరిపోయే అప్‌డేట్!

టాలీవుడ్ నుంచి ప్రేక్షకులు ఆసక్తిగా ఎదురుచూస్తున్న చిత్రాల్లో ‘రణబాలి’ ఒకటి. విజయ్ దేవరకొండ హీరోగా, రష్మిక మందన్నా హీరోయిన్‌గా నటిస్తున్న ఈ హిస్టారికల్ సినిమాకు రాహుల్ సంకృత్యాన్ దర్శకత్వం వహిస్తున్నారు. ఇప్పటికే విడుదలైన ప్రమోషనల్ కంటెంట్ సినిమాపై ఆసక్తిని పెంచగా, ఇప్పుడు అందరి దృష్టి ట్రైలర్‌పైనే ఉంది.

తాజాగా ‘రణబాలి’ ట్రైలర్‌కు సంబంధించిన కీలక అప్‌డేట్‌ను మేకర్స్ ప్రకటించారు. 3 నిమిషాల 47 సెకన్ల నిడివితో రూపొందించిన హై వోల్టేజ్ ట్రైలర్‌ను అక్టోబర్ 8 సాయంత్రం 6:03 గంటలకు విడుదల చేయనున్నారు. త్రిశూలం పట్టుకున్న విజయ్ దేవరకొండ పవర్‌ఫుల్ పోస్టర్‌తో ఈ విషయాన్ని వెల్లడించారు. అజయ్, అతుల్ సంగీతం అందిస్తున్న ఈ చిత్రాన్ని మైత్రి మూవీ మేకర్స్ నిర్మిస్తోంది.