వరుణ్ తేజ్‌తో సీన్లపై రితికా ఆసక్తికర వ్యాఖ్యలు

తెలుగు చిత్ర పరిశ్రమలో పొడవైన హీరోల్లో ఒకరైన వరుణ్ తేజ్‌తో నటించే హీరోయిన్లకు హైట్ పరంగా కొన్ని సవాళ్లు ఎదురవుతుంటాయి. ప్రస్తుతం వరుణ్ తేజ్ హీరోగా మేర్లపాక గాంధీ దర్శకత్వంలో తెరకెక్కిన ‘కొరియన్ కనకరాజు’ చిత్రంలో రితికా నాయక్ హీరోయిన్‌గా నటిస్తున్నారు. ఈ నేపథ్యంలో వరుణ్ తేజ్‌తో కలిసి నటించిన కాంబినేషన్ సన్నివేశాలను ఎలా మేనేజ్ చేశారనే ప్రశ్నకు రితికా ఆసక్తికర విషయాలను వెల్లడించారు.

వరుణ్ తేజ్‌తో ఒకే ఫ్రేమ్‌లో కనిపించే సన్నివేశాల్లో తాను తప్పనిసరిగా హై హీల్స్ ధరించేదానినని రితికా తెలిపారు. కొన్ని సందర్భాల్లో రెండు యాపిల్ బాక్స్‌లను ఒకదానిపై ఒకటి పెట్టి వాటిపై నిలబెట్టేవారని, తద్వారా తన హైట్ కొంచెం ఎక్కువగా కనిపించేలా షూటింగ్ చేశారని చెప్పారు. ఈ విధానాలు షూటింగ్ సమయంలో చాలా సరదాగా అనిపించేవని ఆమె పేర్కొన్నారు. ‘కొరియన్ కనకరాజు’ చిత్రం ఆగస్టు 7న ప్రేక్షకుల ముందుకు రానుండగా, సినిమాపై ఇప్పటికే మంచి అంచనాలు నెలకొన్నాయి.