ప్రముఖ నటుడు గిరిబాబు కన్నుమూత

తెలుగు సినీ పరిశ్రమలో విషాదం నెలకొంది. ప్రముఖ నటుడు గిరిబాబు కన్నుమూశారు. గత కొంతకాలంగా అనారోగ్యంతో బాధపడుతున్న ఆయన ఓ ప్రైవేట్ ఆస్పత్రిలో చికిత్స పొందుతూ తుదిశ్వాస విడిచారు. ఆయన మరణవార్తతో సినీ పరిశ్రమలో విషాద ఛాయలు అలుముకున్నాయి.

1946 జూన్ 8న ప్రకాశం జిల్లా రావినూతలలో జన్మించిన గిరిబాబు, తన సుదీర్ఘ సినీ ప్రయాణంలో విభిన్న పాత్రలతో ప్రేక్షకులను అలరించారు. విలన్‌గా, క్యారెక్టర్ ఆర్టిస్టుగా తనదైన గుర్తింపు సంపాదించుకున్నారు. ఇప్పటివరకు 600కు పైగా సినిమాల్లో నటించి తెలుగు చిత్ర పరిశ్రమకు విశేష సేవలందించారు.