ఆలియా భట్‌ ‘ఆల్ఫా’ ఓటీటీ రిలీజ్‌ డేట్‌ ఖరారు

ఆలియా భట్‌, శర్వరి ప్రధాన పాత్రల్లో దర్శకుడు శివ్‌ రావైల్‌ తెరకెక్కించిన యాక్షన్‌ స్పై థ్రిల్లర్‌ ‘ఆల్ఫా’ ఇటీవల ప్రేక్షకుల ముందుకు వచ్చింది. యశ్‌రాజ్‌ ఫిల్మ్స్‌ స్పై యూనివర్స్‌లో భాగంగా రూపొందిన ఈ చిత్రం, ఈ యూనివర్స్‌లో తొలి మహిళా ప్రధాన కథాంశంతో వచ్చిన సినిమాగా నిలిచింది. అయితే మిగతా స్పై యూనివర్స్‌ చిత్రాలతో పోలిస్తే ‘ఆల్ఫా’కు బలహీన స్పందన లభించినట్లు సినీ వర్గాల్లో చర్చ జరిగింది.

తాజాగా ఈ సినిమా ఓటీటీ విడుదల తేదీ ఖరారైంది. ప్రముఖ స్ట్రీమింగ్‌ సంస్థ నెట్‌ఫ్లిక్స్‌ ‘ఆల్ఫా’ డిజిటల్‌ హక్కులను సొంతం చేసుకుంది. ఆగస్టు 28 నుంచి ఈ సినిమాను స్ట్రీమింగ్‌ చేయనున్నట్లు అధికారికంగా వెల్లడించింది. అయితే పాన్‌ ఇండియా స్థాయిలో వివిధ భాషల్లో సినిమా అందుబాటులోకి వచ్చే విషయంపై ఇంకా స్పష్టత రావాల్సి ఉంది. ‘ఆల్ఫా’లో హృతిక్‌ రోషన్‌ అతిథి పాత్రలో నటించగా, బాబీ డియోల్‌ ప్రతినాయకుడిగా కనిపించారు.