‘మేనేజర్ కిమ్’ OTT రిలీజ్.. ఎప్పుడు? ఎక్కడ చూడొచ్చు?

కొరియన్ యాక్షన్ థ్రిల్లర్ ‘మేనేజర్ కిమ్’ జూన్ 26 నుంచి నెట్‌ఫ్లిక్స్‌లో స్ట్రీమింగ్‌కు సిద్ధమైంది. ప్రముఖ నటుడు సో జీ-సబ్ ప్రధాన పాత్రలో నటించిన ఈ సిరీస్, గతాన్ని దాచిపెట్టి సాధారణ జీవితం గడిపే మాజీ మిలిటరీ ఏజెంట్ కథను చూపించనుంది. యాక్షన్, ఎమోషన్స్, సస్పెన్స్ అంశాలతో ఈ సిరీస్ ప్రేక్షకులను ఆకట్టుకునేలా రూపొందింది.

తన కుమార్తె అదృశ్యమైన తర్వాత ఆమెను వెతికే క్రమంలో హీరో తన పాత యుద్ధ నైపుణ్యాలను తిరిగి ఉపయోగించాల్సి వస్తుంది. తెలుగు, హిందీ భాషల్లో కూడా ఈ సిరీస్ అందుబాటులోకి రానున్నట్లు సమాచారం. భారతదేశంలో కొరియన్ కంటెంట్‌కు పెరుగుతున్న ఆదరణ, సో జీ-సబ్ క్రేజ్ కారణంగా ఈ సిరీస్‌పై భారీ అంచనాలు నెలకొన్నాయి.