బిగ్‌బాస్ తెలుగు 10 డే 25 ప్రోమో 1 - బిగ్‌బాస్ హౌస్‌లో నవ్వుల సందడి.. ఇమిటేషన్లతో అదరగొట్టిన నరేశ్

బిగ్‌బాస్ తెలుగు 10 నాలుగో వారంలో ‘టోటల్ డామినేషన్’ టాస్క్ కొనసాగుతోంది. ఇందులో భాగంగా ఇంటి సభ్యులను బిగ్‌బాస్ భైరవ, సప్తశక్తి అనే రెండు టీమ్‌లుగా విభజించారు. ఇప్పటికే భైరవ టీమ్ ముందంజలో ఉండగా, ఇప్పటివరకు పోటాపోటీగా సాగిన హౌస్‌లో తాజాగా నవ్వుల సందడి నెలకొంది. దీనికి సంబంధించిన తాజా ప్రోమోలో నరేశ్ తనదైన శైలిలో ఇంటి సభ్యులను ఇమిటేట్ చేస్తూ అందరినీ నవ్వించాడు.

నరేశ్ డాక్టర్‌గా, రామ్ ప్రసాద్ నర్సుగా, త్రిగుణ్, సుధీర్ పేషెంట్లుగా నటిస్తూ స్కిట్ చేశారు. అనంతరం కెప్టెన్ అపూర్వను ఇమిటేట్ చేస్తూ ఆమె పనిష్మెంట్లు, నామినేషన్ సమయంలో చెప్పే పాయింట్లు, బాడీ లాంగ్వేజ్‌ను నరేశ్ హాస్యభరితంగా అనుకరించాడు. దీంతో హౌస్‌మేట్స్ నవ్వుల్లో మునిగిపోయారు. ఆ తర్వాత దేబ్జానీ, రోహిత్ నామినేషన్ సన్నివేశాలను కూడా రీక్రియేట్ చేయగా, దేబ్జానీ నామినేషన్ సమయంలో కింద కూర్చొని వాదించే సన్నివేశాన్ని రామ్ ప్రసాద్ కామెడీగా అనుకరించాడు. దీంతో ప్రోమో ఆద్యంతం నవ్వులు పూయించింది.