

బిగ్బాస్ తెలుగు సీజన్ 10లో పదకొండో వారం నామినేషన్స్లో భాగంగా మాజీ కంటెస్టెంట్ శ్రిష్టి వ్యాకరణం హౌస్లోకి వచ్చింది. ఆమె వర్షిణిని నామినేట్ చేస్తూ, ఆటతీరు, ఆత్మవిశ్వాసం, ఫిజికల్ టాస్కుల్లో పాల్గొనే విషయంలో ప్రశ్నలు వేసింది. ఆర్కేపై కూడా సెటైర్లు వేసింది. ముకేశ్తో కలిసి ఉండటం వల్ల వర్షిణి వ్యక్తిగత గుర్తింపు కనిపించడం లేదని, ఆమె ప్రవర్తనలోనూ ఆత్మవిశ్వాసం కొరవడిందని విమర్శించింది. అబ్బాయిలతో పోటీ పడేంత బలం తనకు లేదని వర్షిణి చెప్పగా, ఇప్పటివరకు ఒక్క టాస్క్ అయినా గెలిచావా అని శ్రిష్టి ప్రశ్నించింది. ముకేశ్తో కలిసి ఆడిన పజిల్ టాస్క్లో వర్షిణి గెలిచిందని త్రిగుణ్ గుర్తుచేశాడు.
అమన్ కెప్టెన్సీ విషయంలోనూ శ్రిష్టి తన అభిప్రాయాన్ని వెల్లడించింది. అమన్కు తగినంత మద్దతు లభించడం లేదని, అతని నుంచి కెప్టెన్సీ అవకాశం దూరం కావడం తనకు నచ్చలేదని చెప్పింది. కెప్టెన్సీ రేసులో ఉన్నప్పటికీ తనకు మద్దతు ఇవ్వాలనే ఆలోచన ఇతరులకు రాలేదని అమన్ అన్నాడు. అయితే, అమన్కు మద్దతు ఇస్తానని వర్షిణి చెప్పిన విషయాన్ని ఆర్కే గుర్తుచేశాడు. మరోవైపు, తన ఎలిమినేషన్కు కారణం ఇమ్యూనిటీ రేసులో పాల్గొనే అవకాశం రాకపోవడమేనని శ్రిష్టి తెలిపింది. అనంతరం తన నామినేషన్ డ్యాగర్ను త్రిగుణ్కు అందించింది. అతడు ముకేశ్ను నామినేట్ చేస్తూ, ఇతరుల ఓటమిలో ఆనందం వెతుకుతాడని విమర్శించాడు. వ్యంగ్య వ్యాఖ్యలు, పాటతో ముకేశ్పై తన అసంతృప్తిని వ్యక్తం చేశాడు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!