ఆసియా క్రీడల్లో భారత్‌కు డబుల్ ధమాకా

జపాన్‌లోని ఐచి – నాగోయాలో జరుగుతున్న ఆసియా క్రీడల్లో భారత అథ్లెట్ల పతకాల వేట కొనసాగుతోంది. మహిళల 10,000 మీటర్ల పరుగులో సీమా కుమారి కాంస్య పతకం సాధించింది. 32:50.05 నిమిషాల్లో రేసును పూర్తి చేసి మూడో స్థానంలో నిలిచింది. బహ్రెయిన్‌కు చెందిన విన్‌ఫ్రెడ్ యావి 32:39.18 నిమిషాలతో స్వర్ణం, జపాన్‌కు చెందిన నోజోమి తనకా 32:41.54 నిమిషాలతో రజతం సాధించారు. ఈ పతకంతో మహిళల 10,000 మీటర్ల విభాగంలో ఆసియా క్రీడల్లో భారత్‌కు 16 ఏళ్ల తర్వాత పతకం దక్కింది.

మిక్స్‌డ్ 4x400 మీటర్ల రిలేలోనూ భారత బృందం రజత పతకాన్ని సొంతం చేసుకుంది. మను టీఎస్, ఎంఆర్ పూవమ్మ, విశాల్ తెన్నరసు, విత్య రామరాజ్‌లతో కూడిన భారత బృందం 3:14.46 నిమిషాల్లో రేసును పూర్తి చేసి రెండో స్థానంలో నిలిచింది. చివరి దశలో విత్య రామరాజ్ అద్భుత ప్రదర్శనతో భారత్‌కు రజతం ఖాయమైంది. బహ్రెయిన్ 3:12.87 నిమిషాలతో స్వర్ణం సాధించింది. ఈ పతకాలతో కలిపి ఆసియా క్రీడల్లో భారత్ పతకాల సంఖ్య 17కు చేరింది.