పంజాబ్‌కు హార్దిక్‌ పాండ్య.. ముంబయికి అర్ష్‌దీప్‌ సింగ్‌.. తొలి స్పందన ఇదే!

ఐపీఎల్‌ 2027 సీజన్‌కు ముందు ఫ్రాంచైజీల మధ్య కీలక ఆటగాళ్ల మార్పిడి పూర్తయింది. అందరూ ఊహించినట్లుగానే హార్దిక్‌ పాండ్య ముంబయి ఇండియన్స్‌ నుంచి పంజాబ్‌ జట్టుకు మారగా, అర్ష్‌దీప్‌ సింగ్‌ ముంబయి జట్టులో చేరాడు. ఈ ట్రేడ్‌ డీల్‌ను ఐపీఎల్‌ అధికారికంగా ప్రకటించింది.

ఈ మార్పుపై ముంబయి ఇండియన్స్‌ స్పందించింది. సుదీర్ఘకాలం తమ జట్టుతో అనుబంధం కలిగిన హార్దిక్‌ పాండ్యకు వీడ్కోలు చెబుతూ ఓ వీడియోను పంచుకుంది. జట్టు ప్రయాణంలోని ఎన్నో ఎత్తుపల్లాల్లో అతడు భాగస్వామిగా ఉన్నాడని పేర్కొంటూ కృతజ్ఞతలు తెలిపింది. మరోవైపు, పురుషుల అంతర్జాతీయ టీ20ల్లో అత్యధిక వికెట్లు తీసిన బౌలర్‌గా అర్ష్‌దీప్‌ను అభివర్ణిస్తూ ప్రత్యేక పోస్టర్‌తో ముంబయి ఇండియన్స్‌ స్వాగతం పలికింది.